div class="%20ut&%20yfir&%20inn&%20undir" align="center" color="#FFFFFF" [/table]

  Voðalega er maður orðinn eimana. Maður vaknar á morgnana og hefur nákvæmlega ekkert að gera.... Vinnan er búin, hinir vinir manns eru að vinna... Eða þá í útlöndum.
Kvöldin eru erfið líka... Enginn virðist hafa tíma fyrir mann.... Nema Erla. Var einmitt þar rétt áðan að horfa á Holywood Ending.
Þetta er ágæt mynd, skemmtileg tvíræðni í titlinum sem kemur fram í myndinni... Allen er náttúrulega frábær, en þetta er ekki neitt framúrskarandi mynd, miðað við hinar. Hann var langbestur fyrir 20-30 árum síðan, Bananas og What's Up Tiger Lily eru einhverjar skemmtilegustu myndir sem ég hef séð, honum hefur farið versnandi, en þessi mynd og Curse of the Jade Scorpion eru vissulega mikil framför úr myndunum sem komu á undan (Small Time Crooks og Sweet & Lowdown).... Þetta er allt að koma eins og skáldið sagði.
Ég keypti mér nýjan geisladisk í dag (kemur á óvart, ha? Nei.) Þessi heitir So Much For The City og er með hinni nýlegu hljómsveit Írlands: The Thrills. Ég hef ekki heyrt annað eins í nokkurn tíma. Ef hægt væri að blanda saman Is This It?, Yoshimi Batttles The Pink Robots, If You're Feeling Sinister og Mutations væri þetta úrkoman (en þessar plötur eru einhverjar þær bestu sem hafa sést þennan síðasta áratug - að mínu mati...... og vissulega annarra áhugamanna) Þetta er alveg hrikalega sæt og þægileg tónlist sem ég naut hverrar mínútu af. 11 lög (reyndar 12, eitt er falið ... úúúú!) sem eru mjög lík svona í hljómi en virkilega mismunandi og fjölbreytt stemning. Söngvari sveitarinnar hefur einstaklega skemmtilega rödd sem minnir svolítið á Wayne Coyne, söngvara Íkveiktu varanna og setur algjörlega stemninguna á diskin, mjög brothætt en sæt, þægileg. Þetta er frábær "keyra upp í sveit" diskur en er einnig góður með bjórnum á undan partístemningstónlistinni (The Strokes myndu passa akkúrat) Þeir hefðu samt mátt setja þetta aukalag annarstaðar og sleppt aukalagi, lag númer 11 var svo rosalega góður endir..... Já þessi plata mun líklega prýða aðal-diskamöppuna mína í þónokkurn tíma. (Ég á nefnilega 3 sem eru troðfullar... Hinir doka inn í diskaskáp.....)
Ég er að spá í að sæja um sem plötudómari hjá Undirtónum eða Sánd. Ég held ég hefði gott á því.... Hugsið ykkur stafina mína - PE - fyrir neðan grein í Sánd... Eða í tímaritunum Q eða Wire.... Já maður verður ná að byrja einhverstaðar.

Plata dagsins, ef ekki bara vikunnar?
The Thrills - So Much For The City
My agent says writers block, to keep publishers off my back
skrifað af Pétri 2:03 f.h.